Rexístrese

Se vostede quere ser informado das actualizacións da páxina web de Encrucillada así como das actividades da Asociación Encrucillada envíenos os seus datos.

Política de privacidade

Monografías

Portada da monografía "A viuvez na Pastoral da Saúde"

A viuvez na Pastoral da Saúde

A viuvez, tarde ou cedo, chega a todas as casas. Mais non se nace viúvo ou viúva. É a resultante dun proceso traumático e doloroso do que require un longo labor de recomposición.

As viúvas e viúvos son cabeza de familia. Son familia; por veces ben numerosa. Son responsábeis da comunidade educativa e mesmo son familia de acollida para ascendentes, descendentes, parentes próximos ou achegados por diversos vínculos. Pero a sociedade actual non lles dá tal consideración. E na Igrexa?

A pastoral da saúde resulta adecuada, polo moito que pode achegar especificamente neste acompañamento e tamén na creación de grupos de axuda, que como Xesús, saiban pórse a carón deles e delas e produzan efectos sanantes, saudábeis e salvadores.

12 € (IVE e gasto de envío incluídos)

Portada da monografía "Por unha Igrexa tamén feminina"

Por unha Igrexa tamén feminina

Este libro é unha recompilación de artigos que a autora foi publicando ao longo de máis de vinte anos, pero que lidos hoxe soan plenamente actuais. O libro abrirá canles de reflexión plenamente actuais para as mulleres interesadas en facer escoitar a súa voz no seo da Igrexa.

A estrutura da obra é peculiar. Cada un dos artigos orixinais publicados no seu momento en xornais como La Voz de Galicia e revistas como Encrucillada, Irimia ou Terra e tempo van acompañados por un comentario, que ademais de situar cada un deles no seu contexto histórico, permite á autora matizar as súas ideas anteriores, facer balance desde a perpectiva actual e, non menos importante, pintar unha panorámica bastante detallada e completa das achegas que a reflexión feminista fixo en Galicia, tanto no pensamento como na literatura.

Nos cinco artigos recollidos encontraremos estudos xerais sobre a discriminación da muller na Igrexa e a relación entre feminismo e Igrexa, e outros máis específicos en torno á muller na Igrexa galega ou a muller no novo Catecismo. O libro conclúe cun artigo inédito escrito para a ocasión que dá título ao libro onde, ademais de introducirnos na Teoloxía feminista, reflexiona sobre o papel da acción feminista na renovación da Igrexa.

 

12 € (IVE e gastos de envío incluídos)

REDACCIÓN E ADMINISTRACIÓN

R/ Angel Rodriguez Gonzalez Nº 20-0 Bj

15702 Santiago de Compostela

Teléfono 981 813 608

encrucillada@encrucillada.gal