A Vida Relixiosa feminina – o mesmo ca outros colectivos hoxe, dentro e fóra da Igrexa— participa das fortes tensións do noso tempo. O cambio acelerado e a crise de valores tradicionais, co conseguinte abalamento das Institucións, estase notando tamén neste sector da Igrexa.

Sen máis pretensións cá de comparti-la miña reflexión sobre o que estamos a vivir as monxas hoxe, tentarei de dicir algo sobre algunhas das tensións que, ó meu xuício, se están dando entre nós nestes últimos tempos.